今日當我埋首洗碗之際，有兩位客人推開大門，踩上石梯走入本店，小弟當然係下意識講聲：沙屈d給！ 點知一回過神來，嘩嘩嘩～阿遠！真係要個畫面定格先，然後介紹依位人兄出場。「阿遠，小弟曾經組過隊波，由朋友介紹而認識，到相知，到互相肯定嘅一男子。正所謂，睇一個人打場波，你會知果個係咩人。我地當時係差唔多個個禮拜都一齊練波，依個人得兩個字：認真、博盡、有型(同埋極似韓國仔個樣)，係咁多！所以我欣賞佢^_^」
依一對sweet到不得鳥嘅情侶，專誠過嚟探班，又幫襯，又教我地拉花，又買一大堆手信俾我(港旗O蒙茶+蛋捲+重要整盒月餅添)，真係同你講唔感動唔驚喜都厄自己啦。